作為香港近年崛起最快既網媒(或者本來仲有端傳媒既)，
香港01有辦法攞到其他媒體無既料，
唔同做調查報導既傳真社，
Factwire收到料都要做調查要花大量既時間同心血去查證，
香港01所做既數量之多題材之廣實在非常罕見。
講咁耐唔係想講關於呢個神奇網媒有咩秘密，
Sorry，我真係唔知。
純粹只係諗起早兩星期係香港01睇到一篇文講對偉哥既迷思。(延申閱讀《Viagra Overdose Risks: What Happens When You Take Too Many Blue Pills》 ，直譯係「服食過量偉哥既風險：食太多藍色藥丸仔會點」)
係，我後生又年輕力壯，睇黎都多舊魚，
但正如女人對特定題材由13歲到73歲都有興趣，
由13歲到83歲既男人都對某方面既事特別concern，
除左一句「長知識了」，
你會知道有病要食藥，
但無病時候都係老老套套食得健康、做多d運動去Keep，
唔好迷信食咩會勁d。
或者咁講：我好肯定無事你食一百罐大力菜(菠菜)都唔會打得贏曹星如，so just save it。
但就算隨便捉個人問都知道藥唔可以亂食，
對於手握大權可以對經濟落藥既財金官員，
卻從來唔會吝嗇每一個可以顯示自己權力既機會。
呢一波既樓市大升浪由名為「量化寬鬆」既藥丸仔扯起 (唔好問點解用個「扯字」)，
呢系列既丸仔全世界都係度食，
而當經濟似乎有起色，
又唔可以(or想?)即時停藥，
結果，西藥當補品，你話Keep住食偉哥會唔會勁d？
At this moment，中原城市領先指數已經連續15周破頂了。
扯咁耐攰唔攰？
咪玩啦！你試下成身血谷晒去一個地方，睇下幾耐頭暈腳軟吖！
(圖片來源：中原數據)
但樓市作為香港經濟枝旗 (旗解代表性標誌，OK？)，
唔理你有樓你樓，或者想唔想買樓，
上至四大地產家族，下至物業管理員；
都絕對左右大家食粥食飯。
樓市去到呢個位置，
發展商搏命推，市民搏命攞，
甚至出埋私伙財仔「幫」你上車，
而市場每日傳出父母幫仔女置業「送畀佢做畢業禮物」、仔女「以後要對父母好d」，
霎時間，太平山下一片父慈子孝，
此情此景，真係好感動呢個世界有咁多好生意人好仔女好老竇老母。
But the other side of the coin is that發展商做左幾十年生意，
知道咩叫花無百日紅，
要好天斬埋落雨柴。
呢個係關乎盤生意既生存之道，
如果呢一水唔賺盡，係以後好多年都唔會咁好賺。
最近住左廿幾年既馬鞍山，居屋都賣700萬，
700萬夠你去700次日本好飲好食玩足一星期，
700個星期係14年，人生有幾多個14年?
以2015年香港人既Life Expectancy，
女仔預期平均可能有6個多d，男仔路到6個，
而人生最好既時間、可以用黎見識呢個世界果兩、三個14年，
從此就變成只有幾百呎既斗室。
我無水晶球，亦無呼風喚雨既能力，
樓市股市會去到邊我唔知，
最好既情況，當然係樓價日日跌，
你日日都需要既野，有乜理由想佢貴？
想果條友唔係痴左線諗埋一邊就係立心不良，
想做呢個世界最unproductive既事，
寄生係呢個本應productive既地方。
雖然無能為力，但都可以望住數字跳上跳落苦中作樂。
目前恒指P/E 14.9x，風險相對回報已經唔係好吸引，
係一段無乜驚喜既業績期完左竟然升到而家既水平，
睇返歷史數據，穩陣既係恒指P/E 15x要開始部署沽貨。
下面係恒指月線圖，技術分析呢d咁高深既野恕我真係無研究，
所以，只能夠圖文不符地問一問，
而下兩個矛盾既狀況，到底邊個情況發生既機會大d？
(圖片來源：見右上角)
１）樓繼續升，大家開始諗真係太貴(唔係「口裡說不要」)，資金見股市向好，轉投股市，咁股就再上，樓成交少左，但整體購買力未蒸發，樓價暫時不會大跌，直至股市都炒到頂
２）股市去到紅色線(又話圖文不符既?)，d人覺得買樓始終好過股(Hopeless?!)，將倉底既陳年蟹貨蝕少少都賣出，咁股市就見頂，直至將最後一滴血都輸入樓市
牢騷發完，無咩事我都係出去望返部報價機…
