一代人的盛世

星期五,個市升左4日後悶悶地，
惟有望住個電視過下時間，
咁岩某國際大測量師行MD出黎講樓市，
高級Sell屎真係高級Sell屎，
句句都係拋數據，
每一粒數都鏗鏘有力，
出身在上一世代的人，
對世界既睇法果真比我呢一代樂觀好多，

無他,就算最壞既情況，

都有一定底子，
當經濟危機爆發時，
仆直的,永遠都係食物鏈最低層既大眾。

有說出身在不景氣年代既人，
一生搵到既財富都將不如生於盛世既人。
年輕人過著連生活都感到吃力既日子，
見到只係一代人吃一代人的殘忍社會。

但這對上上一代手持大量物業的人來說有如天堂的日子，
真係會天長地久無盡時嗎？
雖然我只是粗讀歷史和經濟的貧賤大學畢業生，
但無論理性還是感性上，
都知道每一次盛世都會埋下下一次亂世的伏線，
人性沒有變,市場定律只會一如以往。